好歌細聽：放得太遲 - 估佢基 (榮獲2006年金曲甘奬)

原作：愛得太遲 - 古巨基
曲：楊鎮邦＠宇宙大爆炸 詞：林夕

放得太遲 - 估佢基
曲：揚震波＠乳就大爆炸　詞：臨食

我過去　上親牌　總會是對
坐了佢下家後　便覺　受罪
而終於　等上到　但原來漏對　一再蝕水

每次上　見佢收　剛想呻笨
卻霎眼　看出他　必有下文
而他誅得我咁　是從來未覺　佢內疚擔心

最心痛是　上得太遲
他的心意　 放牌等我掟筒子
盲目地發奮　出俾佢其實自知
但他也習慣　施壓力要我失意
最可怕是　放牌要及時
只差一秒　出充都已變歷史
原來在放箭　見我愛佢至出招
要碰要上要怎麼也好　偏要推說等下一次

我也覺　佢放親　彷似落降
摸到正　得到是　又要投降
以為乜　都扣光　佢然後又放　因摶自摸

我也試　扣他牌　想應該夠
到牌尾　正好講　就到盡頭
誰知他開了牌　"未能做下去　三番叫很久"

錯失太易　放得太遲
我梗想到　等不到佢落筒子
忘掉再發奮　佢扣哂從來是知
恨他冇落過　我也沒法再得意
愛親番子　也需要及時
只差一秒　對死都已變歷史
為何在每次　見我愛佢至出招
要碰要上要怎麼也好　不要相信一切有下次

扣起我所愛又有幾多了　出招了
能夠食到又有多少　實算少　未夠輸十三么

當真抱憾　輸得我頭痕
埋單怎計　卻必總要去賣身
人人在發奮　想起他真不興奮
但莊也未過　你要過他不准允
縱使有運　鬥不過賤人　
我只可怨　叫於咫尺卻在等
來牌別開心　佢放我我更擔心
上家有太多東西發生　必要等我打到苦憾