四方劇場﹕方營孖寶

細龜﹕大仙哥到你打啦。
大仙﹕細龜﹐咪吹啦﹐要知道做你下家幾艱難架啦﹗
細龜﹕係呢﹐呢排見你post左句「青蟲不易捕﹐黃口無飽期。」係個MSN度﹐有乜意思呢﹖
大仙﹕你話呢﹖
細龜﹕嘻嘻﹐大仙哥﹐唔好玩我啦﹗呢句係香港中學一年級教材﹐我呢d只係讀到小學既又點會識呀﹖
大仙﹕@#&^%*&^@﹗#(&@#%*(打鬥聲)
細龜﹕大仙哥﹐做乜打我呀﹖
大仙﹕唔識﹖等我講到你識啦﹗
　　　(請按這裡收聽背景音樂)
大仙﹕早於20X1年﹐你呢條姓莊既既茂丙晌胡仙面前扮可憐﹐話俾我大仙誅到趴街。胡仙想盡法﹐都幫唔到你。有一次胡仙遊日﹐心想你姓莊既咁可憐﹐就寫左一塊許願牌﹐希望你莊茂丙唔駛再俾我大仙折磨。
細龜﹕咁之後點呀﹖
大仙﹕之後我就慘咯﹐成日打牌都坐你下家。
細龜﹕做我下家幾好呀﹐唔信你去問下胡仙﹐仙奴﹐斌斌同埋燒鵝劉呀﹐佢地都話坐我下家好過坐你下家啦﹗
大仙﹕@#&^%*&^@﹗#(&@#%*(打鬥聲)好﹖好你個頭呀﹗坐你下家咁耐我就輸咁耐。
細龜﹕車﹗咁同「青蟲不易捕﹐黃口無飽期。」又有乜關係呀﹖
大仙﹕關係就大喇﹗我輸都唔緊要﹐最衰就係每鋪打完我就去睇下d牌﹐十隻叫胡牌有九隻半係你莊大爺度。
細龜﹕你自己打得屎就屎啦。
大仙﹕「青蟲不易捕﹐黃口無飽期。」青﹐有綠既意思﹐即係指你綠龜。「青蟲不易捕」就係話晌你手上既蟲蟲好難捉。「黃口無飽期」呢句顯出我坐你莊龜下家既苦況。有你呢條粉皮晌我上家﹐我個黃口又點會飽﹖
細龜﹕原來係咁。到我摸。嗯﹐暗降七索。
大仙﹕妖﹗我鋪三番挪住六八索叫胡﹐你條...